FRÉTTABRÉF VORÖNN 2010

MARS

Danskeppni 20. og 21. mars – Danssýning fyrir 6-13 ára
Íslandsmeistaramót með frjálsri aðferð í 10 dönsum verður haldið 20. og 21. mars í Smáranum í Kópavogi.  Nánari dagskrá verður kynnt síðar.  Á flestum danskeppnum eru þeim sem ekki keppa boðið að sýna dans.  Dansarnir sem eru sýndir eru Enskur vals og cha cha cha.  Við munum kanna áhugann hjá þeim sem eru í dansi hjá okkur á laugardögum kl. 12, mánudögum kl 5, þriðjudögum kl 5 og laugardögum kl 1.  Nánari upplýsingar hjá Ragnari.

Til þess að undirbúa krakkana og foreldrana enn betur þá ætlum við að hafa hárgreiðslutíma sunnudaginn 14. mars kl 3.  Þeir sem hafa áhuga mæta með krakkana og fá kennslu og aðstoð við að greiða krökkunum, bæði strákunum og stelpunum. 

Grímutímar
Grímutímarnir verða haldnir laugardaginn 6. mars (2-3, 4-5 og 5-7 ára) og sunnudaginn 7. mars (4-5 ára).  Foreldrar, systkini, ömmur og afar eru sérstaklega velkomin að fylgjast með þennan dag.  Allir tímar eru á venjulegum tímum og mega krakkarnir mæta í grímubúningum að eigin vali.

Fullorðinsdansiball í dansskólanum
Dansiball verður haldið laugardagskvöldið 27. mars frá kl 20.  Við ætlum að prófa að vera með smá snarl á undan dansinum og eiga allir að koma með eitthvað smotterí með sér.  Danssýning verður um miðbik ballsins.  Kaffi, vatn og gos verður á boðstólum en þeir sem vilja mega taka með sér aðrar drykkjarveigar.  Skráning er hafin hjá Ragnari og Kristínu.

APRÍL

Páskafrí er í dansskólanum 30. mars til 5. apríl að báðum dögum meðtöldum

Síðustu tímar á vorönn verða í vikunni 19. til 23. apríl – ATH engir tímar verða laugardaginn  24. apríl þar sem nemendasýning dansskólans verður þann dag.

NEMENDASÝNING DANSSKÓLANS – 24. apríl kl. 13-15
Nemendasýning dansskólans verður haldin laugardaginn 24. apríl í íþróttahúsi Kennaraháskólans við Háteigsveg.  Að fenginni reynslu þá verðum við með borð og stóla niðri á gólfinu til viðbótar við stúkuna.  Sýningin verður á milli 13 og 15.  Engir danstímar verða þennan dag.  Allir hópar munu vera með atriði og erum við þegar byrjuð að skipuleggja hvaða hópar munu dansa hvað.  Sér fréttabréf mun verða gefið út vegna nemendasýningarinnar.  Nánari upplýsingar hjá Ragnari og Kristínu. 

MAÍ

Íslandsmeistaramót 1. og 2. maí 2010
Að venju er Íslandsmeistaramót í samkvæmisdönsum með grunnaðferð haldið í maí fyrir alla aldurshópa.  Á þessu móti er keppt í sér byrjendahópum.  Nánari upplýsingar hjá Ragnari.

Vornámskeið
Við verðum með vornámskeið í maí fyrir fullorðna byrjendur.  Nánari upplýsingar og skráning hjá Kristínu.

 

SUMARÆFINGAR
Við verðum með opna danstíma í sumar fyrir krakka 6 ára og eldri sem hafa sýnt og keppt í vetur.  Nánari upplýsingar hjá Ragnari og Kristínu.

Kærar kveðjur,

Ragnar og Kristín

 

                      
Dansskóli Ragnars Sverrissonar
Bíldshöfða 18 – 110 Reykjavík – sími 586-2600
www.dansskoliragnars.is